Green Topaketa – Enplegu Berdearen I. Foroa

ACLIMAk (Euskadiko ingurumen industrien cluster elkartea) abenduaren 4an Bilboko Euskalduna jauregian antolatu zuen Green Topaketan hizlari moduan parte hartzera gonbidatu gintuen. Aclimak prestakuntza berezia eskaini dien ikasle-taldeetako bati egungo ingurumen erronka bat planteatu genion (enpresetan klima-aldaketa egokitzeari buruzko erronka zehatz bat) eta ikasle-talde horrek erronka horri erantzuteko irtenbideak azaldu zituen.

Enplegu Berdearen I. Foroan izan zen ekitaldi honetan, halaber, bestelako gaiak ere jorratu ziren; hala nola:

• Talentua erakartzeko Aclimak bultzatzen duen estrategia
• Trantsizio ekologiko justu bat lortzearekin zerikusia duten erronkak eta aukerak (enplegu berderako prestaketa)
• Aclima Talent-en baitan sortutako Green Observatory aurkezpena
• Bestelako ekimen berritzaileen aurkezpena (Young Green Jobs, Green and Good Jobs)

Foro honetan prestakuntzari, enpleguari eta ingurumen arloari lotutako eragileek elkar ezagutzeko eta esperientziak partekatzeko aukera bikaina izan genuen. Aurrerantzean ere ingurumen sektorea indartzeko balio duten proiektuen alde egiteko aukera izango dugu.