2021 urtearen hasieran abiatu genuen “Bergara 2030, egin herrixa” izeneko prozesua amaitu berri dugu.
Bidean emandako urrats guztien (herri-bilerak, herri-diagnosia, gaikako lan-mahaiak, komunikazio euskarrien sortzea, etab.) ondorio den Bergara 2030 Plan Estrategikoa onartu du Udalak 2022ko otsailaren 28an izandako Udalbatzak.
Udalak adierazi duen bezala, Plan hau egiterakoan, Agenda 2030ek ezarritako helburuak hartu dira kontuan, garapen jasangarrirako helburuak, hain zuzen ere. Garapen jasangarrirako helburu horiek, barne hartzen dituzte, besteak beste, pobrezia, klima larrialdia, genero berdintasuna, hizkuntza eta kultura aniztasuna, industriaren garapena….
Prozesu honen hasieran, herritarrek nolako Bergara nahi duten adostu da eta, 2030erako ikuspegi horretatik abiatuz, elkarlanean, iraunkortasunerako ibilbidea zehaztuko duten helburu eta ekintzak zehaztu ditugu, Bergarari Garapen Iraunkorrerako Helburuak erdiesten lagunduko diotenak.
Bergara 2030, egin herrixa webgunea
Recent Comments